RIDHIWANI KIKWETE ASHIRIKI MAZISHI YA KIMAYA

Waziri wa Nchi Ofisi ya Waziri Mkuu Kazi, Vijana, Ajira na Wenye Ulemavu Mhe. Ridhiwani Kikwete ameungana na ndugu, jamaa na marafiki katika mazishi ya Bw. Ernest Njama Kimaya aliyekuwa Mwenyekiti wa Shirikisho la vyama vya watu Wenye Ulemavu (SHIVYAWATA) na Mjumbe wa Baraza la Taifa la Ushauri Kwa Watu Wenye Ulemavu Leo tarehe 02 Januari, 2025. 

Mazishi hayo yamefanyika katika Kijiji cha Mnyuzi Wilaya ya Wilaya ya Korogwe Mkoani Tanga. Akizungumza wakati akitoa salamu za Serikali, Waziri Kikwete alimshukuru Mungu kwa zawadi ya uhai wa Ndg. Kimaya ambaye alianza harakati za kutetea watu  wenye mahitaji maalum toka akiwa na miaka 19 miaka ya 1990. 

Kimaya ambaye amewahi kushiriki katika harakati mbalimbali atakumbukwa kwa kazi nzuri aliyoifanya akiwa Mbunge wa Bunge maalum, mabadiliko ya sera zinazosimamia ustawi wa wenye mahitaji maalum, na mafanikio mbalimbali.  Kwa upande mwengine Mh. Rais wa JMT , Dr. Samia Suluhu Hassan alitoa shilingi Milioni 3 kama rambirambi kwa familia ya Ndg Kimaya zilizopokelewa na Binti yake Elizabeth Kimaya.

Marehemu Kimaya alifariki tarehe 30 Desemba, 2024 Jijini Dar es Salaam katika hospitali ya Ocean Road ambapo alikuwa akipatiwa matibabu.