Recent Post Recent Post
View More

on November 03, 2026
Chama cha Walimu Tanzania (CWT) Taifa kimeipongeza Halmashauri ya Manispaa ya Kibaha kwa jitihada za kuboresha miundombinu ya elimu na mazingira ya kufundishia na kujifunzia, hatua inayotajwa kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan, katika kuimarisha sekta ya elimu nchini.

Pongezi hizo zimetolewa na Mwenyekiti wa CWT Taifa, Mwalimu Shaban Ambindwile,akiwa kwenye ziara katika Halmashauri hiyo ambapo amempongeza Mstahiki Meya wa Manispaa ya Kibaha kwa kuwa na maono na dhamira ya dhati ya kuboresha elimu, akisema mikakati iliyowekwa inaonesha utayari wa Halmashauri hiyo katika kutatua changamoto zinazowakabili walimu.

Amesema pamoja na kuwepo kwa changamoto mbalimbali katika sekta ya elimu, mipango iliyowasilishwa na Manispaa ya Kibaha ni ishara ya dhamira ya kuboresha mazingira ya walimu na wanafunzi, hatua aliyoitaja kuwa ushindi kwa Chama cha Walimu Tanzania.

Ameeleza kuwa Manispaa ya Kibaha imekuwa mfano katika kushughulikia changamoto za walimu na ni miongoni mwa halmashauri zinazochukua hatua kuhakikisha kero za walimu zinatatuliwa.

Akizungumza baada ya kupokea pongezi hizo, Mstahiki Meya wa Manispaa ya Kibaha, Dkt. Nicas Mawazo, amesema halmashauri hiyo imeanzisha programu ya kujenga majengo ya utawala katika shule zote za msingi na sekondari ili kuboresha mazingira ya kazi kwa walimu.

Dkt. Mawazo amesema Serikali Kuu na Halmashauri zinaendelea kutekeleza majukumu yake katika kuboresha sekta ya elimu, huku akisisitiza kuwa wazazi nao wanapaswa kutimiza wajibu wao ili kuhakikisha walimu na wanafunzi wanapata mazingira bora ya kufundishia na kujifunzia.

Ameeleza kuwa Manispaa ya Kibaha ina jumla ya shule 58 za msingi na 24 za sekondari, ambapo shule 14 zimejengwa ndani ya kipindi cha miaka minne ya uongozi wa Rais Dkt. Samia Suluhu Hassan na kwaamba katika Mwaka wa fedha wa 2026/2027,Halmashauri imetenga shilingi bilioni nne kwa ajili ya kuboresha miundombinu ya shule.

soma zaidi »

on November 03, 2026
Na OWM (KAM), Kigali

Waziri Mkuu wa Rwanda, Dkt. Justin Nsengiyumva, ameonyesha kuvutiwa na ubora wa bidhaa zinazozalishwa na wajasiriamali wa Tanzania Bara na Zanzibar, baada ya kutembelea banda lao katika Maonyesho ya 26 ya Wajasiriamali Wadogo na wa Kati ya Jumuiya ya Afrika Mashariki maarufu kama Nguvu Kazi - Jua Kali.
soma zaidi »

on November 03, 2026

 



Abu Dhabi, UAE


Waziri wa Nishati, Mhe. Dkt. Juma Zuberi Homera, amesema Tanzania inaendelea kujipanga kimkakati kuitumia sekta ya nishati kama kichocheo cha ukuaji wa uchumi, kuongeza ushindani wa ukuaji wa viwanda na kuvutia uwekezaji, ikiwa ni sehemu ya juhudi za kuimarisha mageuzi ya kiuchumi nchini.

Dkt. Homera ameyasema hayo wakati akizungumza katika kikao cha Mawaziri wa Nishati kilichofanyika wakati wa Mkutano wa Kimataifa wa Nishati (ADIPEC 2026), unaofanyika Abu Dhabi, Umoja wa Falme za Kiarabu (UAE).

Amesema Serikali inalenga kuibadilisha sekta ya nishati kutoka katika utoaji wa huduma za kawaida za umeme na gesi na kuifanya kuwa nyenzo muhimu ya kimkakati katika kukuza uzalishaji wa viwanda, ikiwemo viwanda vya mbolea, kupunguza gharama za uzalishaji na kuongeza mvuto wa Tanzania kwa wawekezaji wa ndani na nje ya nchi.

Akizungumzia hatua zilizofikiwa katika kuongeza uzalishaji wa umeme, Dkt. Homera amesema kukamilika kwa Mradi wa Kufua Umeme wa Julius Nyerere (JNHPP) wenye uwezo wa kuzalisha MW 2,115 kumeongeza uwezo wa uzalishaji wa umeme nchini kufikia MW 4,646, ikilinganishwa na mahitaji ya juu ya MW 2,271.

Amesema hali hiyo imeiwezesha Tanzania kuwa na ziada ya umeme wa MW 2,375, hatua inayofungua fursa zaidi za uwekezaji katika viwanda vinavyohitaji matumizi makubwa ya umeme.

Aidha, ameongezea kuwa Serikali inaendelea kupanua miundombinu ya usafirishaji umeme ya msongo wa kilovoti 400 (400kV) ili kuimarisha upatikanaji wa nishati ya uhakika katika maeneo ya shughuli za uchimbaji madini na miundombinu mikubwa ya kimkakati, ikiwemo Reli ya Kisasa (SGR).

Akielezea malengo ya muda mrefu ya Serikali, Dkt. Homera amesema Tanzania inalenga kuongeza uwezo wa uzalishaji umeme kufikia MW 8,000 ifikapo mwaka 2030 na MW 15,000 ifikapo mwaka 2031, huku ikilenga kuhakikisha asilimia 75 ya umeme unaozalishwa unatokana na vyanzo safi vya nishati, ikiwemo gesi asilia na maji.

Amesisitiza kuwa Serikali inaendelea kuwekeza katika vyanzo vya nishati jadidifu ili kuongeza wigo wa uzalishaji na kuimarisha usalama wa nishati nchini. Miradi hiyo ni pamoja na Mradi wa Umeme wa Jua Kishapu wenye uwezo wa MW 100, pamoja na miradi ya umeme wa upepo inayopangwa kutekelezwa katika maeneo ya Manyoni na Nzega.

Vilevile, amesema Tanzania inaendelea na mipango ya kuendeleza miradi ya jotoardhi yenye lengo la kufikia MW 5,000, ambapo MW 30 zinatarajiwa kuanza kuzalishwa mwaka wa fedha 2026/27 na kuongeza uwezo huo kufikia MW 130 ifikapo mwaka 2030.

Amesisitiza kuwa uwekezaji katika vyanzo mbalimbali vya nishati na upanuzi wa miundombinu yake ni sehemu ya mkakati wa Serikali wa kuhakikisha nishati ya uhakika, nafuu na endelevu inapatikana kwa ajili ya kuchochea shughuli za uzalishaji, ukuaji wa viwanda na maendeleo ya uchumi wa Taifa.

ADIPEC ni mkutano na maonesho ya kimataifa ya nishati ambapo mwaka huu imezikutanisha nchi zaidi ya 30, makampuni zaidi ya 2,250 ambapo viongozi wa nishati wanajadili mambo mbalimbali ikiwemo uhakika na usalama wa nishati haswa kutokana na athari za kisiasa mashariki ya kati, pia matumizi ya akili Unde (AI) katika sekta ya nishati ni mada kuu zinazotawala jukwaa hilo.





soma zaidi »

on November 03, 2026

 


Na. Asia Singano, WF – Dodoma.


Serikali imeeleza kuwa itaendelea kushirikiana na benki za biashara nchini kuhamasisha uanzishwaji na upanuzi wa madirisha maalumu pamoja na bidhaa za mikopo zinazolenga kuwawezesha vijana kupata mitaji ya kuanzisha na kukuza biashara, kuongeza uzalishaji na kutengeneza ajira.

Akijibu swali la Mbunge wa Viti Maalumu, Mhe. Timida Mpoki Fyadomo, aliyetaka kujua mpango wa Serikali wa kuanzisha dirisha maalumu la vijana katika benki za biashara nchini, Naibu Waziri wa Fedha, Mhe. Mhandisi Mshamu Ali Munde (Mb), kwa niaba ya Waziri wa Fedha, Mhe. Balozi Khamis Mussa Omar (Mb), alisema Serikali inatambua umuhimu wa kuwawezesha vijana kupata mitaji.

Alisema Serikali inaendelea kuimarisha upatikanaji wa huduma za fedha kwa vijana kupitia benki na taasisi nyingine za fedha, akibainisha kuwa takwimu za Benki Kuu ya Tanzania (BoT), zinaonesha kuwa mwaka 2025 akaunti za akiba za vijana katika benki zilifikia milioni 9.58.

“Serikali itaendelea kushirikiana na benki za biashara kuhamasisha uanzishwaji na upanuzi wa madirisha na bidhaa mahsusi za mikopo kwa vijana kwa lengo la kupunguza vikwazo vinavyowakabili vijana katika kupata huduma za kifedha, hususan mikopo ya kuwawezesha kujiajiri na kupanua shughuli zao za kiuchumi” alisema Mhe. Mhandisi Munde.

Alieleza kuwa Serikali imechukua hatua za kuimarisha mifumo ya udhamini wa mikopo, programu za uwezeshaji na elimu ya fedha ili kuongeza fursa za vijana kupata mitaji kwa ajili ya shughuli za kiuchumi.

Alitaja hatua nyingine kuwa ni kutungwa kwa Sheria ya Mikopo kwa Dhamana za Mali Zinazohamishika, Na. 5 ya mwaka 2026, inayolenga kupunguza vikwazo vya dhamana kwa wanaohitaji mikopo.

Mhe. Munde aliongeza kuwa hatua hizo zinalenga kuongeza upatikanaji wa mitaji kwa vijana ili waweze kuanzisha na kukuza biashara, kuongeza uzalishaji na kutengeneza ajira.

Alisisitiza kuwa ushirikiano kati ya Serikali na taasisi za fedha ni sehemu muhimu ya kuimarisha mazingira ya vijana kushiriki katika shughuli za kiuchumi kupitia upatikanaji wa huduma za kifedha.

Akijibu swali la Mbunge wa Bahi, Mhe. Kenneth Ernest Nollo, aliyetaka kujua lini Serikali itaanza utaratibu wa kutoa taarifa Bungeni kuhusu fedha zinazopatikana kutokana na migodi mikubwa ya madini, mafuta na gesi kila mwaka, Mhe. Munde alisema taarifa hizo tayari hutolewa kupitia njia mbalimbali, ikiwemo utaratibu ulioainishwa katika Sheria ya Uwazi na Uwajibikaji katika Rasilimali za Madini, Mafuta na Gesi.

Alifafanua kuwa kifungu cha 16(1) cha Sheria hiyo kinaielekeza Kamati ya TEITI kuchapisha taarifa ya kila mwaka inayoonesha ulinganifu wa mapato yote yanayolipwa na kampuni kubwa katika sekta ya uziduaji na yale yanayopokelewa na Serikali.

Aidha, alisema taarifa hizo pia huwasilishwa Bungeni na mawaziri wanaosimamia sekta husika wakati wa kuwasilisha makadirio ya mapato na matumizi ya wizara zao.

“Serikali inaendelea kuboresha upatikanaji wa taarifa hizo kwa umma likiwemo Bunge Tukufu la Jamhuri ya Muungano wa Tanzania ili kuendeleza dhana ya uwazi na uwajibikaji” alisema Mhe. Mhandisi Munde.

Aliongeza kuwa taarifa hizo zitahusisha pia mapato yanayotokana na mfumo wa hisa za Serikali unaojulikana kama Free Carried Interest (FCI), unaopatikana kupitia kampuni zilizosaini mikataba ya haki za uchimbaji madini.
Hata hivyo hatua hiyo ni sehemu ya dhamira ya Serikali katika kuimarisha usimamizi wa rasilimali za taifa na kuhakikisha mapato yanayotokana na uwekezaji katika sekta za madini mafuta na gesi yanawekwa wazi kwa Bunge na wananchi kwa ujumla.
soma zaidi »

on November 03, 2026

Jumla ya wapiga kura 213,024 walioandikishwa katika Daftari la Kudumu la Wapiga Kura, wanatarajiwa kushiriki kwenye Uchaguzi Mdogo wa Ubunge katika Jimbo la Chamwino, Mkoa wa Dodoma na Udiwani katika Kata 11 za Tanzania Bara kesho tarehe 04 Novemba, 2026.
soma zaidi »

on November 03, 2026
MOROGORO

Wajumbe wa Baraza la Wafanyakazi la Mamlaka ya Elimu Tanzania (TEA) wamepitia na kujadili Mpango Mkakati wa Tano wa Mamlaka hiyo (2026/27–2030/31), pamoja na kutathmini utekelezaji wa Mpango Mkakati wa Nne (2021/22–2025/26).
soma zaidi »

on November 03, 2026
Wakala ya Barabara Tanzania (TANROADS) Mkoa wa Songwe imefungua sehemu ya barabara ya Forodha (OSBP) Tunduma yenye urefu wa mita 400, ikiwa ni utekelezaji wa maelekezo ya Makamu wa Rais wa Jamhuri ya Muungano wa Tanzania, Mhe. Deogratius Ndejembi, aliyetoa wakati wa ziara yake mkoani humo, akitaka kasi ya ujenzi wa mradi huo iongezwe.
soma zaidi »

on November 03, 2026

 

Na Mwandishi Wetu, Moscow

WAZIRI Mkuu wa Jamhuri ya Muungano wa Tanzania, Dkt. Mwigulu Nchemba, amewataka Watanzania kuwa wazalendo na kupenda nchi yao kwa vitendo, hususan kwa kutumia maarifa, ujuzi na fursa mbalimbali katika kuimarisha uchumi na maendeleo ya kiteknolojia nchini.

Dkt. Mwigulu alitoa wito huo wakati wa Mkutano wa Tatu wa Wakuu wa Nchi na Serikali wa Afrika na Urusi (Russia–Africa Summit), uliofanyika jijini Moscow, Urusi, ambapo alimwakilisha Rais wa Jamhuri ya Muungano wa Tanzania, Dkt. Samia Suluhu Hassan.

Katika mkutano huo, Waziri Mkuu alipata nafasi ya kukutana na ujumbe wa wafanyabiashara kutoka Tanzania walioshiriki mkutano wa kibiashara kati ya Tanzania na Urusi, uliofanyika pembezoni mwa mkutano huo kwa lengo la kukuza ushirikiano wa biashara na uwekezaji katika sekta za nishati, kilimo, madini, ujenzi na miundombinu.

Aliwataka wafanyabiashara hao kutumia maarifa, teknolojia na fursa walizozipata nchini Urusi kuchochea maendeleo ya Tanzania na kujenga uchumi imara unaowezesha vijana kujitegemea badala ya kutegemea ajira pekee.

Miongoni mwa wafanyabiashara vijana walioshiriki mkutano huo ni mwanzilishi na Afisa Mtendaji Mkuu wa MKUYU Africa, Juneid Othman, ambaye anaendelea kuwekeza katika maono ya kuifanya Tanzania kuwa miongoni mwa nchi zinazoongoza katika maendeleo ya majengo ya kisasa na miji yenye miundombinu bora barani Afrika.

Juneid ni miongoni mwa vijana wa Kitanzania wanaotumia majukwaa ya kimataifa kutafuta maarifa, teknolojia na washirika wa kibiashara kwa lengo la kukuza uwekezaji na kuchangia maendeleo ya sekta ya ujenzi nchini.

Akieleza mipango yake, Juneid amesema kupitia ushirikiano na wabia mbalimbali katika sekta ya nyumba na ujenzi, wanatarajia kujenga zaidi ya nyumba 3,000 za kisasa kwa ajili ya kuuza na kupangisha katika miji mbalimbali nchini.

Amesema maono yake ni kuona miji ya Tanzania ikipiga hatua katika kuwa na majengo ya kisasa ya makazi na biashara yanayoweza kushindana na miji mikubwa duniani, ikiwemo Dubai, huku yakichangia upatikanaji wa makazi bora na kuboresha mandhari ya miji.

Mbali na sekta ya ujenzi, Juneid amekuwa akishiriki pia katika kupanua fursa za uwekezaji kupitia jukwaa la MILIKI MALI, linalotoa elimu kuhusu mali isiyohamishika na masuala ya fedha, pamoja na Tanzania Brokers Association Board (TBAB), linalolenga kuimarisha taaluma ya udalali na uwazi katika sekta hiyo.

Akizungumza kuhusu ushiriki wake katika mkutano huo, Juneid ameishukuru Serikali kwa kuwapa vijana fursa ya kushiriki majukwaa ya kimataifa kupitia uratibu wa Shirikisho la Sekta Binafsi Tanzania (TPSF).

Amesema ushiriki huo umewapa fursa ya kujifunza matumizi ya teknolojia mbalimbali zinazoweza kuharakisha maendeleo ya kiuchumi, pamoja na kujenga mahusiano na wawekezaji kutoka mataifa mbalimbali ambao wanaweza kuleta mitaji na kuchochea ukuaji wa uchumi nchini.

Chini ya uongozi wa Juneid, MKUYU Africa inalenga kuwa miongoni mwa kampuni zinazoongoza Afrika Mashariki katika ujenzi wa miradi mikubwa ya makazi na majengo ya biashara yenye miundombinu ya kisasa.
Mkurugenzi wa MKUYU Afrika Juneid Othman (wa Tatu kushoto) akiwa katika picha Ya pamoja na Waziri Mkuu wa Jamhuri ya Muungano wa Tanzania Dkt.Mwigulu Nchemba baada ya mkutano


soma zaidi »

on November 03, 2026

Geneva, Switzerland | 3 November 2026

The Delegation of the United Republic of Tanzania to the UPR 53 has reaffirmed the relevance of Tanzania's legal framework in promoting human rights, inclusive development and international cooperation as Tanzania prepares for its Fourth Cycle of the Universal Periodic Review (UPR) under the United Nations Human Rights Council.

The Delegation is making the preparation under the leadership of H.E. Ambassador Dr. Abdallah Possi at the Permanent Mission of the United Republic of Tanzania to the United Nations in Geneva, Switzerland.

The engagement is part of Tanzania's preparations for the 53rd Session of the UPR Working Group, scheduled to take place from 2 to 13 November 2026 at the United Nations Office in Geneva.

Tanzania's participation highlights the importance it accords to human rights and its contribution to national and international efforts to promote human dignity, equal opportunities, access to knowledge and inclusive societies. Through its areas of competence in Education, Natural Sciences, Social and Human Sciences, Culture, and Communication and Information, UNESCO supports initiatives that contribute to the advancement of human rights and sustainable development.



The preparatory engagement provided an opportunity for members of the Tanzanian delegation to coordinate their preparations ahead of the national review. Tanzania's Fourth UPR Cycle offers an important platform to present progress made in fulfilling its human rights commitments, share national experiences and engage constructively with other Member States on recommendations arising from previous review cycles.

soma zaidi »

on November 03, 2026

 


WAZIRI wa Nishati, Mhe. Dkt. Juma Homera, amesema Tanzania imejipanga kutumia fursa za uwekezaji katika sekta ya nishati duniani kwa kuvutia mitaji ya ndani na nje.

Akizungumza leo, Novemba 2, 2026, katika Mkutano wa Kimataifa wa Nishati (ADIPEC 2026) unaofanyika Abu Dhabi, Umoja wa Falme za Kiarabu (UAE), Dkt. Homera amesema Tanzania imeweka mikakati ya kuvutia wawekezaji katika kipindi ambacho usalama wa nishati umekuwa kipaumbele cha kimataifa kutokana na changamoto za minyororo ya ugavi zinazosababishwa na migogoro ya kijiografia na kisiasa.

Amesema Tanzania ina fursa kubwa za uwekezaji kutokana na kuwa na takribani futi za ujazo trilioni 57.54 za gesi asilia zinazoweza kuendelezwa kupitia miradi ya LNG na Mini-LNG, pamoja na miradi ya uzalishaji umeme ikiwemo Bwawa la Julius Nyerere (MW 2,115), mradi wa umeme wa jua Kishapu (MW 150), nishati ya upepo mkoani Singida na jotoardhi katika mikoa ya Mbeya na Songwe.

Aidha, Dkt. Homera amesema nafasi ya kijiografia ya Tanzania inaipa fursa ya kuwa kitovu cha biashara ya nishati kikanda kupitia masoko ya umeme ya Afrika Mashariki na Kusini, huku akisisitiza umuhimu wa sera zinazotabirika, mifumo imara ya kisheria, kupunguza urasimu na kuandaa miradi yenye tafiti za kina ili kuongeza ushindani katika kuvutia mitaji ya kimataifa.

Ameeleza kuwa Serikali, chini ya uongozi wa Rais Samia Suluhu Hassan, inaendelea kutekeleza Mkataba wa Kitaifa wa Nishati (National Energy Compact) unaolenga kuhamasisha uwekezaji wa sekta binafsi wa takribani dola za Marekani bilioni 4.039, huku vipaumbele vikiwa ni uwekezaji katika nishati jadidifu, uimarishaji wa miundombinu ya usafirishaji umeme na ushirikiano kati ya sekta ya umma na binafsi (PPP).

Dkt. Homera amesisitiza kuwa utekelezaji wa mikakati hiyo utaiwezesha Tanzania kubadilisha utajiri wa rasilimali za nishati kuwa miradi halisi yenye tija kiuchumi, kuvutia wawekezaji wa kimataifa na kuimarisha nafasi ya nchi katika soko la nishati duniani.
soma zaidi »

on November 03, 2026
Waziri wa Maliasili na Utalii, Mhe. Dkt. Ashatu Kijaji (Mb) akiwa ameambatana na Katibu Mkuu wa Wizara hiyo, Dkt. Hassan Abbasi, ametua jijini London, Uingereza, kwa ajili ya kushiriki Maonesho ya Kimataifa ya Utalii ya WTM London 2026 yanayotarajiwa kufanyika Novemba 3–5, 2026.

Katika siku ya kwanza ya ziara yake, akiwa katika Ubalozi wa Tanzania nchini Uingereza, Dkt. Kijaji leo Novemba 2, 2026 amekutana na kufanya mazungumzo na wadau mbalimbali wa utalii kwa lengo la kujadili fursa na mikakati ya kukuza na kuitangaza Tanzania kama kituo cha utalii katika soko la kimataifa.

Katika mazungumzo hayo, Dkt. Kijaji amepokea wasilisho kuhusu utalii kutoka kwa Bw. Tim Henshall, Afisa anayeshughulikia masuala ya Utalii katika Ubalozi wa Tanzania nchini Uingereza (Tanzania High Commission UK).

Aidha, amekutana na kufanya mazungumzo na Bw. Craig Rix, Mtendaji Mkuu wa Gecko Publishing, ambapo wamejadili fursa za kuitangaza Tanzania kupitia machapisho ya Gecko Publishing, ikiwemo jarida la Travel Africa Magazine, ili kuongeza mwonekano wa vivutio vya utalii vya Tanzania katika masoko ya kimataifa.

Katika kikao kingine, Dkt. Kijaji amekutana na Bw. George Bartlam, Meneja wa Mauzo ya Ubia wa Klabu ya Soka ya Brentford (Brentford Football Club) ambayo kwa sasa inashika nafasi ya 6 katika Ligi Kuu ya Uingereza (EPL) ambapo wamejadili uwezekano wa kutumia klabu hiyo kuitangaza Tanzania.

Vikao hivyo vimehudhuriwa pia na Mwakilishi wa Balozi wa Tanzania nchini Uingereza, Bw. Patrick Mwakalobo na Mkurugenzi Mkuu wa Bodi ya Utalii Tanzania (TTB), Dkt. Thereza Mugobi.

Mazungumzo hayo ni sehemu ya juhudi za Wizara ya Maliasili na Utalii za kupanua wigo wa ushirikiano na wadau wa kimataifa, kubuni njia bunifu za kuitangaza Tanzania na kuongeza idadi ya watalii wanaotembelea nchini.
























soma zaidi »

on November 02, 2026

 


Na Jackline Minja, WMJJWM
Dodoma

Naibu Waziri wa Maendeleo ya Jamii, Jinsia, Wanawake na Makundi Maalum, Mhe. Mhandisi Maryprisca Mahundi, amewataka wazazi na walezi kuendelea kutekeleza wajibu wao wa kuwalinda watoto dhidi ya vitendo vya ukatili na udhalilishaji, akisisitiza kuwa jukumu la malezi na ulinzi wa watoto linaanzia katika ngazi ya familia na si kusubiri Serikali iingilie kati baada ya mtoto kufanyiwa vitendo vinavyokiuka maadili ya jamii.

Mhe. Mahundi ametoa wito huo leo Novemba 2, 2026, jijini Dodoma, wakati akijibu maswali ya Wabunge kuhusu hatua zinazochukuliwa na Serikali katika kutoa elimu kwa mabinti na jamii kuhusu kuripoti vitendo vya udhalilishaji.

Amesisitiza kuwa wazazi na walezi wanapaswa kuwa karibu na watoto wao, kuwafuatilia, kuwapatia malezi bora na kuwaelekeza katika misingi ya maadili mema yanayozingatia mila, desturi na tamaduni za Kitanzania ili kuwakinga dhidi ya vitendo vinavyoweza kuhatarisha usalama na mustakabali wao.

Aidha, ameeleza kuwa Serikali inaendelea kutoa elimu kwa mabinti na jamii kupitia Mpango Kazi wa Kitaifa wa Kutokomeza Ukatili dhidi ya Wanawake na Watoto (MTAKUWWA), unaotekelezwa kupitia kamati za kisekta kuanzia ngazi ya Taifa hadi Vijiji na Mitaa.

Vilevile, amesema kila Kata ina Polisi Jamii wanaoshiriki kutoa elimu kwa wananchi, huku Wizara ya Habari, Utamaduni, Sanaa na Michezo ikiratibu wadau wake, wakiwemo viongozi wa kimila na vyombo vya habari, katika kuelimisha jamii kuhusu namna ya kukabiliana na vitendo vya ukatili na udhalilishaji.

Amehitimisha kwa kutoa wito kwa wananchi wa makundi yote kuendelea kushirikiana na Serikali katika kutokomeza ukatili wa aina zote na kuhakikisha watoto wanakuwa katika mazingira salama yanayowawezesha kukua, kupata haki zao na kutimiza ndoto zao.
soma zaidi »

on November 02, 2026

 


 Waziri wa Wizara ya Viwanda na Biashara, Mhe. Judith Kapinga (Mb), amesema sekta ya viwanda na biashara ni miongoni mwa nguzo muhimu za uchumi wa Taifa, ikichangia asilimia 15 ya Pato la Taifa na kutarajiwa kuendelea kukua kwa wastani wa asilimia sita kila mwaka.

Waziri Kapinga ameyasema hayo Novemba 2, 2026, jijini Dodoma, wakati akifungua Maonesho ya bidhaa na huduma za viwanda na Biashara sambamba na Huduma za Kliniki za Biashara yanayofanyika katika Ukumbi wa Mikutano wa Jakaya Kikwete (JKCC), kuelekea uzinduzi wa Sera ya Maendeleo Endelevu ya Viwanda ya mwaka 2025 pamoja na Sera ya Maendeleo ya Wajasiriamali Wadogo na wa Kati ya mwaka 2003, Toleo la mwaka 2025, zitakazozinduliwa Novemba 4, 2026.

Amesema maonesho hayo ni sehemu ya juhudi za Serikali kuimarisha sekta ya viwanda na biashara kwa kuweka mazingira yanayowezesha kukuza uzalishaji, kuongeza thamani ya bidhaa za ndani na kupanua masoko ya bidhaa za Tanzania.

Waziri Kapinga amesisitiza kuwa ushirikiano kati ya Serikali na sekta binafsi ni muhimu katika kufikia azma ya kuwa na uchumi mkubwa zaidi, huku sekta ya viwanda na biashara ikiendelea kuwa chanzo muhimu cha ajira na fursa za kiuchumi kwa wananchi.

Aidha, amewahimiza wananchi kutembelea maonesho hayo ili kujionea bidhaa zinazozalishwa nchini, teknolojia zinazotumika viwandani pamoja na ubunifu wa wajasiriamali na wafanyabiashara, akieleza kuwa Serikali inalenga kuhakikisha bidhaa za Tanzania zinaongezwa thamani ili kukidhi mahitaji ya soko la ndani na kushindana katika masoko ya kimataifa.

Katika maonesho hayo, taasisi mbalimbali zilizo chini ya Wizara ya Viwanda na Biashara zimeshiriki, zikiwemo Shirika la Viwango Tanzania (TBS), Shirika la Kuhudumia Viwanda Vidogo (SIDO), Mamlaka ya Maendeleo ya Biashara Tanzania (TanTrade), Wakala wa Vipimo (WMA), Tume ya Ushindani (FCC), Mamlaka ya Udhibiti wa Mbolea Tanzania (TFRA), Taasisi ya Utafiti wa Viwanda Tanzania (TIRDO), Shirika la Maendeleo ya Viwanda Vidogo (TEMDO), Kituo cha Uwekezaji Tanzania (TIC) na Mamlaka ya Maendeleo ya Biashara Tanzania (TanTrade), pamoja na taasisi nyingine za sekta hiyo.

Aidha, Waziri Kapinga ametoa pongezi na shukrani kwa kampuni na wadau mbalimbali walioshiriki katika maonesho hayo na kuunga mkono maendeleo ya sekta ya viwanda na biashara, zikiwemo ALAF, Wilmar Pasta, KEDA, Lodhia, Pepsi, Coca-Cola, Goodwill na kampuni nyingine. 

Pia alitumia fursa hiyo kuwatambua na kuwashukuru wasanii waliojitokeza kushiriki na kuhamasisha wananchi pamoja na makundi mbalimbali kushiriki katika shughuli za ufunguzi wa maonesho hayo.

Maonesho hayo pia yamehudhuriwa na wanafunzi kutoka Chuo cha Biashara (CBE), viongozi waandamizi wa Wizara, wakurugenzi na wakuu wa taasisi zilizo chini ya Wizara pamoja na wadau mbalimbali wa sekta ya viwanda na biashara.





soma zaidi »

on November 02, 2026
Waziri wa Maliasili na Utalii, Mhe. Dkt. Ashatu Kijaji (Mb) akiwa ameambatana na Katibu Mkuu wa Wizara hiyo, Dkt. Hassan Abbasi, ametua jijini London, Uingereza, kwa ajili ya kushiriki Maonesho ya Kimataifa ya Utalii ya WTM London 2026 yanayotarajiwa kufanyika Novemba 3–5, 2026.
soma zaidi »

on November 02, 2026

 

Na Mwandishi Wetu, TANGA

Mwenyekiti wa Chama Cha Mapinduzi (CCM) Mkoa wa Tanga, Rajabu Abdurahmani, amesema kuwa ujenzi wa chama imara unahitaji uwepo wa watendaji wenye mazingira mazuri ya kufanyia kazi, ikiwemo kuwa na makazi ya kudumu katika ofisi za chama wilayani.

Abdurahmani amesema kuwa ili CCM iendelee kuwa na uwezo wa kusimamia majukumu yake, watendaji wa chama katika ngazi za wilaya wanapaswa kuishi katika nyumba za CCM ili kuwawezesha kutekeleza majukumu yao bila changamoto zinazotokana na gharama za kupanga makazi.

Amesema kuwa katika kutekeleza azma hiyo, walianzisha mradi wa ujenzi wa nyumba 36 za watendaji wa CCM katika Mkoa wa Tanga, wenye thamani ya Shilingi bilioni tatu, ambapo hadi sasa tayari Shilingi bilioni 1.5 zimepatikana na ujenzi unaendelea katika maeneo mbalimbali ya mkoa huo.

Akizungumza mbele ya mlezi wa CCM Mkoa wa Tanga, Rabia Abdallah Hamid, mwenyekiti huyo amesema kuwa katika awamu ya kwanza na ya pili alitoa Shilingi milioni 500 kwa kila awamu, huku awamu ya tatu akipata Shilingi milioni 500 nyingine zilizolenga kuendeleza ujenzi huo.


Amesema fedha hizo zimefanya jumla ya mchango wake kufikia Shilingi bilioni 1.5 kati ya Shilingi bilioni tatu zinazohitajika kukamilisha mradi huo.


“Nilipoeleza kuwa ninakuja kuwa Mwenyekiti wa CCM Mkoa wa Tanga na kuhakikisha najenga nyumba 36 katika mkoa huu, wengi hawakuamini, lakini nilikuwa na dhamira ya kweli ya kuhakikisha jambo hilo linatekelezwa,” amesema Abdurahmani.

Aidha, amesema uwepo wa mlezi wa mkoa huyo umempa nafasi ya kumkabidhi Shilingi milioni 500 zilizopatikana katika awamu ya tatu ili aweze kujionea maendeleo ya utekelezaji wa mradi huo.



Katika hatua nyingine, Abdurahmani amesema Mkoa wa Tanga umeanza maandalizi ya kuadhimisha miaka 50 ya kuzaliwa kwa CCM, itakayofanyika Februari 5, 2027, kwa kutekeleza miradi mbalimbali yenye kulenga kuimarisha shughuli za chama na kuchangia maendeleo ya wananchi.

Amesema kuwa katika kuadhimisha miaka hiyo, ameamua kuelekeza nguvu pia katika kuwawezesha wakulima kwa kutafuta matrekta 40 yatakayosaidia shughuli za kilimo katika wilaya za mkoa huo.

Kwa mujibu wa Abdurahmani, matrekta hayo yanatarajiwa kugawanywa kwa wilaya, kila wilaya ikipata matrekta matano, yatakayotumika kutoa huduma za kulima mashamba kwa wakulima kwa gharama ya nusu ya bei ya kawaida.


Ameeleza kuwa mkulima anayelipa Shilingi 60,000 kwa hekta moja atalipia Shilingi 30,000 kupitia mpango huo, hatua ambayo amesema inalenga kupunguza gharama za uzalishaji na kuwawezesha wakulima kuongeza tija katika shughuli zao.

Amesema mpango huo ni sehemu ya kuunga mkono juhudi za Rais na Mwenyekiti wa CCM katika kuwawezesha wakulima kupitia ruzuku ya mbolea na hatua nyingine za kuboresha sekta ya kilimo.

Akihitimisha hotuba yake, Abdurahmani amemuomba mlezi wa CCM Mkoa wa Tanga kufikisha salamu kwa Katibu Mkuu wa CCM na kumweleza azma ya mkoa huo, huku akimkaribisha atakapopata nafasi kuja kuzindua rasmi mpango wa matrekta kabla ya kuanza kusambazwa katika wilaya husika.


soma zaidi »
Subscribe to: Posts (Atom)