HUSSEIN MAKUBI RAIS SAMIA AMELETA MAGEUZI YA KIUCHUMI NA MIUNDOMBINU

 Mwanachama wa Yanga na mdau wa soko, Hussein Makubi Mwananyanzala, ameonyesha furaha yake kwa wajumbe wa Mkutano Mkuu wa CCM kwa hatua yao ya kumchagua na kumpendekeza Rais Samia Suluhu Hassan kupeperusha bendera ya chama hicho kwenye Uchaguzi Mkuu wa mwaka huu.

 Akizungumza na waandishi wa habari mkoani Geita, Mwananyanzala amepongeza mafanikio makubwa yaliyopatikana chini ya uongozi wa Rais Samia katika kipindi kifupi cha uongozi wake. Ameeleza kuwa Rais Samia amefanikisha mageuzi makubwa ya kimaendeleo katika sekta mbalimbali, ikiwemo: Sekta ya Madini – Kuruhusu utoaji wa leseni nyingi kwa wachimbaji wadogo, jambo lililoongeza fursa na ajira kwa Watanzania wengi.Uboreshaji wa Miundombinu – Ujenzi wa madaraja makubwa na kuboresha miundombinu ya umeme kote nchini.

Hussein Mwananyanzala ameendelea kwa kuwaomba wananchi kumchagua Rais Samia Suluhu Hassan kwa kura nyingi katika Uchaguzi Mkuu wa mwaka huu, akisema kuwa anaamini Rais Samia ataendeleza juhudi za kuwaletea maendeleo Watanzania wote.

 "Mafanikio tuliyoyashuhudia yanahitaji kuendelezwa, na Rais Samia ni kiongozi ambaye ameonyesha dhamira ya dhati ya kutufikisha mbele zaidi," aliongeza.