DKT. MPANGO - TOENI ELIMU YA VVU NA UKIMWI KWA JAMII KUONDOA MITAZAMO HASI

Angela Msimbira RUVUMA

MAKAMU wa Rais wa Jamhuri ya Muungano wa Tanzania Dkt.Philip  Isdor Mpango ametoa rai kwa wadau wa maendeleo na taasisi binafsi kutoa elimu  kuhusu maambukizi ya virusi

vya ukimwi kuanzia ngazi binafsi, familia na jamii kwa ujumla ili kuondoa mitazamo hasi uliopo katika jamii.

Ametoa rai hiyo leo Disemba 1,2024 kwenye maadhimisho ya siku ya ukimwi duniani iliyofanyika  kitaifa katika viwanja vya Majimaji Mkoani Ruvuma.

Dkt.Mpango amewataka wananchi wote nchini kuzingatia maudhui ya elimu inayotolewa kupitia kampeni mbalimbali kwa ajili ya kubadili tabia, kuachana na mila na desturi zinzoweza kuwa kichocheo cha maambukizi na kuendelea kijikinga  na maambukizi mapya ya viriusi vya ukimwi.

Ameendelea kufafanua kuwa kasi ya maambukizi katika kundi la vijana imeongezeka ambapo takwimu zinaonyesha kuwa  kundi la vijana hasa watoto wa kike ndio liko kwenye hatari zaidi ya kupata maambukizi mapya ya vvu

Aidha, ametoa rai kwa Tume ya kuthibiti ukimwi Tanzania (TACAIDS) kushirikiana na wizara za kisekta, wadau na jamii kwa ujumla kuweka mkazo katika kudhibiti mazingira yanayochochea  maambukizi ya vvu

Amewataka vijana kujitambua, kujidhamini na kutunza maisha yao kwa kujikinga na maambukizi mapya ya VVU na kuwasihi wale wanaoishi na virusi vya ukimwi kuendelea kutumia dawa za  ARV kwa usahihi ili kufubaza makali ya virusi.