MADIWANI WA VITI MAALUM HALMASHAURI YA WILAYA YA SHINYANGA WAKOSHWA NA MIRADI YA MAENDELEO PANDAGICHIZA NA MWALUKWA.

Na Mapuli Kitina Misalaba

Madiwani wa viti maalum Halmashauri ya Wilaya ya Shinyanga wamewasihi wanawake kujiepusha na mikopo yenye riba kubwa (Kausha damu) huku wakiwasisitiza kusubiri mikopo ya serikali inayotolewa bila riba.

Wameyasema hayo leo Julai 13,2024 kwenye ziara yao kata ya Pandagichiza pamoja na kata ya Mwalukwa ambapo ziara hiyo imelenga kuhamasisha wanawake na wanachama wa CCM na jumuiya zake kujitokeza kujiandikisha kwenye daftari la kudumu la wapiga kura, kuhamasisha wanawake kujitokeza kuchukua fomu za kugombea nafasi mbalimbali za uongozi, Usajili wa wanachama wa CCM na jumuiya zake pamoja na na kukemea Ukatili wa kijinsia.

Madiwani wa viti maalum akiwemo Mwenyekiti wa madiwani viti maalum Halmashauri ya Wilaya ya Shinyanga ambaye ni diwani wa viti maalum kata ya Lyabukande Mhe. Zawadi Lufungulo Mwasha pamoja na Katibu wa madiwani viti maalum Halmashauri ya Wilaya ya Shinyanga ambaye pia ni diwani wa viti maalum kata ya Tinde Mhe. Anastazia Robart Njile wamewahimiza wanawake kujiepusha na mikopo yenye riba kubwa.

Wamesema mikopo yenye riba kubwa imekuwa ikisababisha migogoro katika familia ambapo wamesema ili kuwa salama zaidi ni vema kusubiri mikopo ya serikali ambayo inatolewa bila riba kupitia Benki huku wakiwahimiza wanawake kuendelea kusajili vikundi vyao ili kuwa na sifa za kupata mikopo hiyo ya serikali.

Kwa upande wake mwenyekiti wa Halmashauri ya Wilaya ya Shinyanga ambaye pia ni diwani wa kata ya Mwalukwa Mhe. Ngassa Mboje amesema fedha za mikopo zaidi ya Milioni mia sita zinatarajiwa kutolewa katika makundi ya vijana, wanawake na watu wenye ulemavu ambapo amewahimiza wanawake kuimarisha vikundi vyao ili kuwa tayari kupata mikopo baada ya serikali kutoa maelekezo.

Baadhi ya wakazi wa kata ya Pandagichiza pamoja na Mwalukwa wametumia nafasi hiyo kuiomba serikali kuharakisha mikopo hiyo ili kupunguza au kumaliza kabisa migogoro inayotokea katika familia.

Katika hatua nyingine Madiwani wa viti maalum Halmashauri ya Wilaya ya Shinyanga wamempongeza Rais wa Jamhuri ya Muungani wa Tanzania Mhe. Samia Suluhu Hassan pamoja na Mbunge wa jimbo la Solwa Mhe. Ahmed Salum kwa kuendelea kuleta maendeleo katika jimbo hilo kupitia miradi mbalimbali.

Pia wamempongeza diwani wa kata ya Pandagichiza Mhe. Charles Masele Kabogo pamoja na diwani wa kata ya Mwalukwa Mhe. Ngassa Mboje kwa usimamizi mzuri katika miradi ya maendeleo inayotekelezwa katika kata zao.

Madiwani wa viti maalum Halmashauri ya Wilaya ya Shinyanga katika ziara yao ya kutembelea mradi wa ujenzi wa madarasa mawili shule ya msingi Shilabela kata ya Pandagichiza leo Julai 13,2024.

Madiwani wa viti maalum Halmashauri ya Wilaya ya Shinyanga wakitembelea katika maabara leo Julai 13,2024 kata ya Pandagichiza.

Mwenyekiti wa madiwani viti maalum Halmashauri ya Wilaya ya Shinyanga ambaye ni diwani wa viti maalum kata ya Lyabukande Mhe. Zawadi Lufungulo Mwasha akipongeza kwa mradi huo.

Ziara ikiendelea katika shule ya sekondari Pandagichiza.

Afisa tehama wa Halmashauri ya CCM Wilaya ya Shinyanga vijijini akiendelea kusajili wanachama kwa njia ya kielekroniki.

Wakazi wa kata ya Pandagichiza wakiwa katika mkutano wa madiwani wa viti maalum Halmashauri ya Wilaya ya Shinyanga.

Mwenyekiti wa madiwani viti maalum Halmashauri ya Wilaya ya Shinyanga Mhe. Zawadi Lufungulo akikabidhiwa na Diwani wa kata ya Pandagichiza Mhe. Charles Masele Kabogo taarifa ya utekelezaji wa ilani ya uchaguzi 2020 - 2025 kipindi cha Januari hadi Juni 2024.

Diwani wa viti maalum kata ya Itwangi Mengi Charles Zengo akiwasisitiza wanawake kujiamini na kugombea nafasi mbalimbali wakati wa zoezi la kuchukua fomu katika uchaguzi wa serikali za mitaa Mwaka huu 2024.

Diwani wa viti maalum kata ya Mwamala Mhe. Anna Pius Shiloti akikemea ukatili wa kiuchumi kwa wanawake katika kata ya Pandagichiza .

Diwani wa viti maalum kata ya Lyabukande Mhe. Eunice Magesa akiwasisitiza wanawake na wanachama wa CCM na jumuiya zake kuwa kipaumbele katika zoezi la kujiandikisha kwenye daftari ya mpiga kura pamoja na daftari ya balozi.

Diwani wa viti maalum kata ya Samuye Mhe. Leticia Masalu akiendelewa kuwakumbusha wanawake kujitokeza kwa wingi na wale wenye sifa za kugombea nafasi wachukue fomu mapema wakati wa zoezi hilo.

Katibu wa umoja wa wanawake UWT Wilaya ya Shinyanga vijijini Bi. Magdalena Dodoma akiwa katika zoezi la kugawa kadi za CCM ambazo zimelipiwa na Mhe. Leticia Masalu.

Diwani wa viti maalum kata ya Masengwa Mhe. Suzana Nghwagi Malembela akizungumza katika kata ya Nyamalogo leo ambapo amesisitiza wanawake kushiriki kikamilifu katika uchaguzi wa serikali za mitaa mwaka huu 2024.

Diwani wa viti maalum kata ya Iselamagazi Mhe. Chausiku Salum akiwasisitiza wanawake wenye sifa za uongozi kuchangamkia fursa katika kipindi cha uchaguzi hasa Mwaka huu 2024 katika vijiji na vitongoji.

Diwani wa viti maalum kata ya Tinde Mhe. Helena Daud Mbuli akiwakumbusha wakazi wa kata ya Lyabusalu kutoa taarifa za vitendo vya ukatili.

Katibu wa madiwani viti maalum Halmashauri ya Wilaya ya Shinyanga ambaye ni diwani wa viti maalum kata ya Tinde Mhe. Anastazia Robart Njile akiwasisitiza wanawake kuchukua fomu za kugombea nafasi mbalimbali bila uoga na kwamba wajiamini na kumshirikisha mwenyezi Mungu.

Mwenyekiti wa madiwani viti maalum Halmashauri ya Wilaya ya Shinyanga ambaye ni diwani wa viti maalum kata ya Lyabukande Mhe. Zawadi Lufungulo Mwasha akizungumza katika kata ya Pandagichiza.

Wakazi wa kata ya Mwalukwa wakiwa katika mkutano wa madiwani wa viti maalum Halmashauri ya Wilaya ya Shinyanga leo Julai 13,2024.

Katibu wa umoja wa wanawake UWT Wilaya ya Shinyanga vijijini Bi. Magdalena Dodoma akiwahimiza wanawake wa UWT kuwatambua haraka watu wenye wanawake wenye sifa za kugombea nafasi mbalimbali katika uchaguzi wa serikali za mitaa.

Mwenyekiti wa Halmashauri ya Wilaya ya Shinyanga ambaye pia ni diwani wa kata ya Mwalukwa Mhe. Ngassa Mboje akizungumza kwenye mkutano huo ambapo pamoja na mambo mengine ameelezea miradi mbalimbali ya maendeleo leo Julai 13,2024.

Katibu wa umoja wa wanawake UWT Wilaya ya Shinyanga vijijini Bi. Magdalena Dodoma akiwahimiza wakazi wa Mwalukwa wanawake wa UWT kuwatambua haraka watu wenye wanawake wenye sifa za kugombea nafasi mbalimbali katika uchaguzi wa serikali za mitaa.