SOPHIA KANG'OMBE AIKUMBUSHA JAMII SHINYANGA KUTOA TAARIFA ZA UKATILI

Na Mapuli Misalaba, Shinyanga

Mwenyekiti wa kampeni ya shujaa wa maendeleo na ustawi wa jamii Tanzania SMAUJATA idara ya makundi maalum Mkoa wa Shinyanga Bi. Sophia Kang’ombe amewakumbusha wananchi kutoa taarifa za ukatili unaoendelea kwenye jamii.

Bi. Sophia Kang’ombe ambaye pia ni Mwenyekiti wa SMAUJATA Manispaa ya Shinyanga, afisa ustawi wa jamii na msimamizi wa kituo cha makazi ya wazee na wasiojiweza Kolandoto ameisihi jamii na wadau mbalimbali kuendelea kuiunga mkono serikali katika kutokomeza vitendo vya ukatili unaoendelea Mkoa wa Shinyanga.

Amesema serikali inafanya jitihada mbalimbali za kupambana kutokomeza vitendo vya ukatili hivyo ni muhimu wadau na jamii kushirikiana na serikali kwa kutoa taarifa ili hatua zaidia za kisheria zichukuliwe.

Aidha Bi. Sophia Kang’ombe ameyasema hayo kwenye hafla iliyoratibiwa na watumishi kutoka chuo cha Sayansi za Afya Kolandoto kwa ajili ya kutoa msaada katika kituo cha makazi ya wazee na wasiojiweza Kolandoto Mkoa wa Shinyanga.

Kwa upande wake Mwenyekiti wa kituo cha makazi ya wazee na wasiojiweza Kolandoto Mkoa wa Shinyanga Bwana Kija Nyipuke naye ameiomba jamii kushirikiana na serikali katika kudhibiti ukatili ikiwemo ukatili wa kijinsia.

Mwenyekiti wa kampeni ya shujaa wa maendeleo na ustawi wa jamii Tanzania SMAUJATA idara ya makundi maalum Mkoa wa Shinyanga ambaye pia ni Mwenyekiti wa SMAUJATA Manispaa ya Shinyanga, Bi. Sophia Kang’ombe akizungumzia suala la jamii kutoa taarifa za ukatili kupitina namba 116

Mwenyekiti wa kituo cha makazi ya wazee na wasiojiweza Kolandoto Mkoa wa Shinyanga Bwana Kija Nyipuke akiiomba jamii kudhibiti vitendo vya ukatili Mkoa wa Shinyanga