UWT ARUSHA YAANZA NA MADIWANI VITIMAALUM

 

Na Magesa  Magesa,Arusha

JUMUIYA ya Umoja wa Wanawake Tanzania imewataka madiwani viti maalumu

wa mkoani hapa wanaotokana na Jumuiya hiyo kutekeleza majukumu yao

kikamilifu ikiwa ni pamoja na kushiriki na kuhudhuria vikao vyote vya

Jumuiya na Chama kuanzia ngazi za matawi hadi mkoa.

Mwenyekiti wa UWT Mkoa wa Arusha, Flora Zelothe, aliyasema hayo juzi

alipokuwa akizungumza na madiwani hao katika kikao maalumu

kilichofanyika katika ukumbi wa CCM Mkoani hapa ambacho kililenga

kukumbushana wajibu na majukumu.

Amewaambia kwamba wakati wa Uchaguzi wa Chama na Jumuiya zake

uliofanyika mwaka jana,  kila mmoja alikuwa na mgombea alie muunga

mkono lakini chaguzi zikishamalizika makundi yote na kambi zote

zinavunjika na kinachobakia ni kutekeleza majukumu na kuchapa kazi kwa

pamoja ili kuhakikisha ikani ya CCM inatekelezwa kikamilifu.

Amesema Madiwani wote wa Viti maalumu wanatakiwa kfanya ziara katika

maeneo yao na kwamba wanatakiwa wawasiliane na uongozi wa jumuiya

wilaya ili wapewe ratiba na baada ya ziara hiyo watatakiwa kupeleka

taarifa ya ziara Wilayani na nakala Mkoani.

Nae Katibu wa UWT, Mkoa wa ArushaMwasiti Ituja, alisema kuwa Jumuiya

imeweka utaratibu ambapo kila baada ya miezi minne wanatakiwa wasome

taarifa ya utekelezaji wa Ilani ya uchaguzi ya  Chama cha Mapinduzi

kwenye mikutano ya mabaraza ya madiwani katika halimashauri zao .

Amesisitiza kwamba ni lazima madiwani viti maalumu wafanye ziara

waeleze mazuri yote yanayotekelezwa na serikali inayoongozwa na Rais

Samia Suluhu Hassan ili wananchi waelewe na hivyo kuepuka upotoshwaji

utakaotolewa na watu wengine

Katibu huyo wa  UWT Mkoa amewataka madiwani hao kuhakikisha kuwa

wanahimiza wanawake katika maeneo yao kujiunga na Jumuiya hiyo na

kwamba UWT Mkoa wa Arusha itatoa zawadi kwa wilaya ambayo itaongoza

kwa kuingiza wanachama wengi.