TAARIFA KWA UMMA KUHUSU UHAKIKI WA VIBALI VYOTE VYA TAKA HATARISHI

OFISI YA MAKAMU WA RAIS

TAARIFA KWA UMMA KUHUSU UHAKIKI WA VIBALI VYOTE VYA TAKA HATARISHI

Ofisi ya Makamu wa Rais imepewa mamlaka ya kusimamia na kuratibu masuala yote yanayohusu mazingira nchini kwa mujibu wa Sheria ya Usimamizi wa Mazingira, 2004 na Kanuni zake. Aidha, usimamizi na udhibiti wa taka zenye madhara umebainishwa kwenye Vifungu vya 133 -139 vya Sheria ya Usimamizi wa Mazingira ya mwaka 2004. Pia Kanuni za Usimamizi wa Mazingira (Usimamizi na Udhibiti wa Taka za Hatarishi) za Mwaka 2009 zimetoa miongozo ya kudhibiti taka hatarishi hapa nchini pamoja na mambo mengine yahusuyo uhifadhi wa mazingira.

Kwa muktadha huo, Ofisi ya Makamu wa Rais inawaagiza watu wote wenye leseni za kukusanya taka hatarishi ikiwemo Vyuma Chakavu, Betri zilizotumika na Taka za Kielektroniki kuwa, wapeleke leseni zao halisi (Original Certificates) katika Ofisi za Kanda za Baraza la Taifa la Hifadhi na Usimamizi wa Mazingira (NEMC) zilizopo karibu yao kwa ajili ya uhakiki. Leseni ambazo hazitahakikiwa kufikia tarehe 02/04/2019 zitakuwa Zimefutwa.

Mwisho, Ofisi ya Makamu wa Rais inatoa wito kwa wananchi wote kuwa mtu yeyote atakayejihusisha na ununuaji au uuzaji wa vyuma chakavu vinavyotokana na miundombinu ya taifa atashitakiwa kwa kosa la uharibifu wa miundombinu chini ya sheria za uhujumu uchumi.

Mhandisi Joseph Malongo

KATIBU MKUU

       25 MACHI 2019

Anuani zimeambatanishwa kwa ajili ya rejea:

Anorld Mapinduzi Meneja wa Kanda ya Kati Baraza la Taifa la Hifadhi na Usimamizi wa Mazingira PSPF House Ghorofa ya sita Nemccz2018@gmail.com Dodoma.	Jamal Baruti Meneja wa Kanda ya Ziwa Baraza la Taifa la Hifadhi na Usimamizi wa Mazingira Ofisi  za Bodi ya Maji ya Bonde la Ziwa Victoria, Jamal.baruti@nemc.or.tz Igogo, Mwanza.
Lewis Nzali Meneja wa Kanda ya Kusini Baraza la Taifa la Hifadhi na Usimamizi wa Mazingira Tanu Road inzalimtemi@gmail.com Mtwara.	Novertus Mushi Meneja wa Kanda ya Kaskazini Baraza la Taifa la Hifadhi na Usimamizi wa Mazingira Engira Road, NHC Plot # 32 nemcarusha@nemc.or.tz Arusha.
Jaffer Chimgege Meneja wa Kanda ya Mashariki Baraza la Taifa la Hifadhi na Usimamizi wa Mazingira Regent Estate Plot # 29/30 jchimgege@gmail.com Dar es Salaam.	Godlove Mwamsojo Meneja wa Kanda ya Nyanda za Juu Kusini Baraza la Taifa la Hifadhi na Usimamizi wa Mazingira Karume Avenue mbeyanemc@gmail.com Mbeya.