Breaking: Katibu wa Chadema Arusha Ajiunga na Ccm

Wimbi la Viongozi kutoka CHADEMA na kuhamia CCM linaendelea jijini Arusha ambapo licha ya madiwani wanaojiuzulu kila kukicha,Leo Katibu Mwenezi wa CHADEMA wilaya ya Arusha Gabriel Kivuyo amekihama chama hicho na kuamia CCM.

Kigogo huyo amepokelewa katika ofisi za CCM wilaya na Katibu wa CCM wilaya Musa Matotoka Aliyongozana na makada wengine wa CCM wakishuhudia zoezi la kukabidhiwa kadi la Kivuyo.
Aidha ametaja sababu za kujiuzulu ni pamoja na kutokupata ushirikiano kwa baadhi ya viongozi akiwemo mbunge hivyo haoni sababu ya kuendelea kuwepo katika chama hicho.

Pia ameshutumu vikali kitendo cha kutolewa kwenye kikao cha Mameya ambapo walimtuhumu kuwa anawarekodi.

Akitangaza kujivua Uanachama huo na nyadhifa  zote alizo kuwa nazo ndani ya Chadema amesema ameamua kwa moyo wake mkunjufu ppkumuunga mkono Mh Rais magufuli katika kulijenga Taifa na kusimamia Rarisilimali za nchi hivyo hana sababu ya kubaki CHADEMA  wakati yote waliyokuwa wanayaamini sasa yanatelekezwa na CCM hivyo ameamua kujiunga na Ccm

Katibu huyo amepokelewa na Katibu wa Wilaya ya Arusha Mjini Ndg. Mussa Matoroka na   Katibu mwenezi wa Wilaya ya Arusha Mjini Ndg.Abrahamu Mollel  pamoja na Katibu Hamasa wa Vijana Mkoa wa Arusha Ndg. Omary Lumato