Makamu wa Rais Samia Suluhu Afungua kongamano la kimataifa la wadau wa Elimu ya Ufundi

Makamu wa Rais wa Jamhuri ya Muungano wa Tanzania, Samia Suluhu Hassan amesema kuwa Elimu ya Ufundi ndiyo nguzo muhimu ya kufikia ajenda ya serikali ya kuwa Tanzania ya viwanda na kufikia uchumi wa kati ifikapo 2025.


Makamu wa Rais amesema hayo wakati akifungua kongamano la kimataifa la wadau wa Elimu ya Ufundi na mafunzo jijini Dar es salaam, na kusisitiza kuwa dira ya Maendeleo  ya 2025 imeipa Elimu kipaumbele cha juu kwa kuwa ndiyo Kitovu katika kuleta mabadiliko ya kiuchumi katika jamii.

Viongozi wengine walioshiriki mkutano huo wa siku tatu ni pamoja na Waziri wa Elimu,Sayansi na Teknolojia Profesa Joyce Ndalichako, Naibu Katibu Mkuu Dkt.Avemaria Semakafu, Wakuu wa Taasisi , na wadau mbalimbali.

Kauli mbiu katika mkutano huo ni Wekeza katika Elimu ya Ufundi na Mafunzo kwa Tanzania kuwa ya Uchumi wa viwanda.