NSSF MAHAKAMANI TENA

MFUKO wa hifadhi ya jamii  NSSF,mkoa  wa Arusha,umezifikisha taasisi Nne mahakama ya hakimu mkuu mkazi  Arusha,kwa kushindwa kuwasilisha michango ya wafanyakazi wao kwa vipindi tofauti zaidi ya shilingi bilioni moja.

 

Mwanasheria mwandamizi wa NSSF, Selestini Ntagale, ameiambia mahakama ya hakimu mkuu mkazi kuwa taasisi hizo zimeshindwa kuwasilisha malimbikizo ya michango ya wafanyakazi hao kwenye mfuko huo licha ya kukumbushwa mara kwa mara.

 

Miongoni mwa kampuni hizo ni pamoja na kampuni inayotoa mikopo ya fedha kwa wananchi ya Pride Tanzania limited,Water Solution, Net Health, na Hotel ya Snow Crest zote za Arusha.

 

Katika hatua nyingine mahakama imetoa  hati ya kukamatwa kwa kampuni ya Net Health, ambayo haikufika mahakamani hapo huku kampuni ya Water Solution imeyakataa madai hayo ya NSSF wakidai sio sahihi .

 

Akiahirisha kesi hiyo, hakimu mkuu mkazi, Augostino Rwizila, amewataka wadaiwa wate kulipa madeni yao ndani ya muda wa mwezi mmoja ambapo ameahirisha kesi hiyo hadi Novemba 4 mwaka huu.