Recent Post Recent Post
View More

on December 21, 2024


Na John Mapepele 

Waziri wa Maliasili na Utalii Mhe, Balozi.Dkt. Pindi Chana ( Mb) amezitaka Halmashauri za wilaya zote nchini kuanzisha matamasha ya Utalii na Uhifadhi huku akielekeza suala la kuwalinda wananchi dhidi ya wanyamapori wakali na waharibifu kuwa ajenda ya kudumu.

Waziri Chana ametoa kauli hiyo leo Desemba 21, 2024 wakati akimwakilisha Mhe. Waziri Mkuu kufungua rasmi msimu wa pili wa Tamasha la Utalii la Same ambapo pia ametoa zawadi na tuzo kwa wadau mbalimbali kutambua mchango wao katika kufanikisha Tamasha hilo 

"Wakati leo tunasherekea Tamasha la pili la Utalii la Same ni lazima tuhakikishe tunawalinda wananchi kutokana na wanyama wakali wakati huo huo tunahifadhi rasilimali tulizopewa na Mwenyezi Mungu ili zitusaidie kutuletea watalii zaidi " amefafanua Mhe Chana. 

Amesema Wizara kwa kushirikiana na TAMISEMI na wananchi itaendelea kuhifadhi rasilimali kwa faida ya vizazi vya sasa na vijavyo.

Aidha amefafanua kuwa usemi wa kiswahii usemao "Tunza mazingira yakutunze" unadhihirisha kuwa mazingira yakitunzwa vizuri ikiwemo misitu na maliasili yatasaidia kujenga uchumi.

 "Tukitunza mazingira tutapata mvua, tutapata maji, tutalima, tutapata vyakula na mazao ya biashara, hakutakuwa na njaa wala umaskini wa kipato na pia tutaishi kutokana na Kuvuta hewa safi.Usemi huo una mashiko ni vyema tukarithisha watoto wetu kuanzia wawapo shuleni ili waweze kutambua umuhimu wa kutunza mazingira"ameongeza Mhe. chana

 Amesema ni muhimu klabu za mazingira zilizopo katika maeneo yetu kuendelea kuzisimamia ili zilete tija kwani kupitia klabu hizo wanafunzi watajifunza hifadhi ya mazingira, utalii na pia watajenga uelewa wa kutosha kutenda popote wawapo kwa falsafa ya "Jenga kesho iliyo bora (BBT)".  

Amepongeza Rais wa Jamhuri ya Muungano wa Tanzania Mhe. Dkt. Samia Suluhu Hassani kwa kuandaa Filamu ya Tanzania the Royal Tour na Amazing Tanzania ambapo amesema kuanzishwa kwa Tamasha la Utalii la Same ni kufuata maono ya Mhe. RAIS katika kutangaza utalii.

Akifafanua kuhusu faida ya Tamasha hilo amesema limesaidia kuwaletea wageni, pia kutoa elimu mbalimbali ya uhifadhi wa mazingira na utunzaji wa vyanzo vya maji kama misitu wa Chome.

Pia kuhusu kuboresha na Tamasha hilo, Mhe. Chana ametaka kuwepo na mikakati madhubuti ya kuendeleza Tamasha hilo kwa Halmashauri kutenga bajeti kuliko kuwaachia wadau wachache na uongozi wa Wilaya hiyo huku akisisitiza kuwa suala la uhifadhi na utalii lipo kwenye Ilani ya Chama Cha Mapinduzi.

"Ndugu zangu suala hili ni la msingi sana hata baba wa Taifa Mwalimu Nyerere alisisitiza kuwa rasilimali hizi lazima zilindwe na ndiyo maana tuna Jeshi la Uhifadhi"amefafanua Waziri Chana

Ametoa wito kwa wananchi kushirikiana na Serikali kuwabaini watu waovu, wanaotaka kuhujumu rasilimali za watanzania.

"Kuna changamoto za maingiliano tuliangalie ili wasilete madhara".

Kwa upande wake Naibu Katibu Mkuu wa Wizara ya Habari, Utamaduni Sanaa na Michezo, Metheusela Ntonda amesisitiza kuendelea kufungamanisha Utalii na utamaduni kwenye matamasha hayo.

 Tamasha hilo limepambwa na wasanii mbalimbali na linatarajiwa kumalizika hapo kesho.

soma zaidi »

on December 21, 2024

 


Na. James K. Mwanamyoto OR-TAMISEMI


Waziri Mkuu wa Jamhuri ya Muungano wa Tanzania Mhe. Kassim Majaliwa amesema Serikali itajenga shule, zahanati, sekondari na kituo cha afya ili kusogeza huduma za kijamii kwenye makazi mapya ya waathirika wa maporomoko ya tope Hanang mkoani Manyara.

Mhe. Kassim Majaliwa amesema hayo akiwa Wilayani Hanang, wakati akikabidhi nyumba 109 kwa waathirika wa maporomoko ya tope wilayani humo, ambazo zimejengwa na Serikali kwa kushirikiana na Shirika la Msalaba Mwekundu kwenye Kitogoji cha Waret kijiji cha Gidagamowd.

“Tunataka wananchi hawa wawe na mwingiliano na wengine,waendelee kuishi hapa na wapate huduma muhimu za kijamii na ndio maana tutajenga shule, zahanati, sekondari na kituo cha afya,” Mhe. Majaliwa amesisitiza.

Aidha, Mhe. Majaliwa amefafanua kuwa, kati ya nyumba hizo 109 alizozikabidhi kwa waathirika wa maporomoko ya tope, nyumba 73 zimegharamiwa na Serikali, nyumba 35 zimegharamiwa na Shirika la Msalaba Mwekundu Tanzania na nyumba moja imegharamiwa na Umoja wa Wanawake wa Tanzania (UWT).

Mhe. Majaliwa ameongeza kuwa, nyumba zote hizo zimejengwa kwa uratibu mzuri wa timu ya wataalam kutoka Ofisi ya Rais-TAMISEMI, Ofisi ya Waziri Mkuu, Wizara ya Fedha, Ofisi ya Mkuu wa Mkoa wa Manyara, Ofisi ya Mkuu wa Wilaya ya Hanang pamoja na Halmashauri ya Wilaya ya Hanang.

Sanjali na hilo, Mhe. Majaliwa ameipongeza na kuishukuru TARURA kwa ujenzi mzuri wa barabara kwenye eneo hilo ambalo zimejengwa nyumba 109 za waathirika wa maporomoko ya tope na kuongeza kuwa toka amefika na kuanza ukaguzi wa nyumba hajaona barabara iliyoteleza licha uwepo wa mvua iliyokuwa ikinyesha.

“Mhe. Waziri wa TAMISEMI na TARURA yako mmefanya kazi nzuri sana ya ujenzi wa barabara kwenye nyumba hizi 109, hivyo jukumu mlilobakia nalo ni kutuwekea lami hivyo jaribu kuangalia kwenye vifungu vyako vya bajeti ili barabara ziwekwe lami,” Mhe. Majaliwa ameeleza.

Maporomoko ya tope wilayani Hanang yaliyotokea Desemba 7, 2023 katika mji mdogo wa Katesh pamoja na vijiji jirani yalipelekea baadhi ya wakazi wa maeneo hayo kupoteza nyumba za kuishi, hivyo Serikali ilichukua hatua ya kukabiliana na changamoto hiyo na hatimaye Waziri Mkuu Mhe. Kassim Majaliwa amekabidhi nyumba 109 kwa waathirika wa maporomoko hayo.







soma zaidi »

on December 21, 2024

 

Naibu Waziri Nishati, Mhe. Judith Kapinga (kushoto) na Naibu Waziri wa Nishati wa Saudi Arabia,Mhandisi Mohammed Albrahim (kulia) wakizungumza kuhusu ushirikiano wa Tanzania na Saudi Arabia katika Sekta ya Nishati, wakati wa Mhe. Kapinga alipohudhuria Kongamano la Wafanyabiara na Wawekezaji lililofanyika katika tarehe 18 na 19, Desemba 2024, mjini Riyadh, Saudi Arabia.

Naibu Waziri Nishati, Mhe. Judith Kapinga(kushoto) na Naibu Waziri wa Nishati wa Saudi Arabia, Mhandisi Mohammed Albrahim(kulia) wakiwa katika picha ya Pamoja na ujumbe kutoka Tanzania na wa Saudi Arabia walipokutana baada ya kumaliza mazungumzo yao kuhusu ushirikiano wa Tanzania na Saudi Arabia katika sekta ya Nishati, wakati wa Kongamano la Wafanyabiara na Wawekezaji lililofanyika katika tarehe 18 na 19, Desemba 2024, mjini Riyadh, Saudi Arabia.

Maafisa kutoka Wizara ya Nishati na Ofisi za Ubalozi wa Tanzania nchini Saudi Arabia wakiwa katika kikao kati ya Naibu Waziri Nishati, Mhe. Judith Kapinga na Naibu Waziri wa Nishati wa Saudi Arabia, wakizungumzia kuhusu ushirikiano wa Tanzania na Saudi Arabia katika Sekta ya Nishati, wakati wa Mhe. Kapinga alipohudhuria Kongamano la Wafanyabiara na Wawekezaji lililofanyika tarehe 18 na 19, Desemba 2024, mjini Riyadh Saudi Arabia.Kutoka kulia ni Kamishna Msaidizi wa Petroli, Mhandisi. Joyce Kisamo, Mkurugenzi Msaidizi wa Sera,Utafiti na Ubunifu, Oscar Kashaigiri na Msaidizi wa Naibu Waziri wa Nishati, Bi. Loyce Lubonera(kushoto).


📌 Waziri Kapinga afanya mazungumzo na Naibu Waziri wa Nishati Saudi Arabia

📌 Wajadili ushirikiano katika Mafuta, Gesi Asilia, Nishati Jadidifu na Nishati Safi ya Kupikia

📌 Saudi Arabia yaeleza kutambua juhudi za Tanzania kuimarisha Sekta ya Nishati


📍SAUDI ARABIA


Naibu Waziri wa Nishati, Mhe. Judith Kapinga amesema Tanzania itaendelea kushirikiana na Saudi Arabia katika kuimarisha Sekta ya Nishati hususan katika Mafuta na Gesi, Nishati Safi ya Kupikia na Nishati Jadidifu.

Mhe. Kapinga amesema hayo wakati alipokutana na Naibu Waziri wa Nishati wa Saudi Arabia,
Mhandisi Mohammed Albrahim katika Mji wa Riyadh tarehe 19 Desemba, 2024 nchini Saudi Arabia.

Amesema kuwa, Tanzania imekuwa ikishirikiana na nchi hiyo kwa muda mrefu katika Biashara ya Mafuta na Maeneo Mengine ya Maendeleo hivyo mahusiano hayo yanaendelea kuimarika zaidi kwa kuwa mahitaji ya nishati yanazidi kuongezeka na uwekezaji zaidi unahitajika katika kuendeleza Sekta ya Nishati ikiwemo Mafuta na Gesi Asilia, Nishati Jadidifu na Nishati Safi ya Kupikia.

"Mahusiano ya Tanzania na Saudi Arabia katika Sekta ya Nishati ni ya muda mrefu, nchi hizi mbili zimekuwa na lengo la kuboresha ushirikiano wao katika kuendeleza sekta ya nishati." Amesema Kapinga

Aidha, ameeleza kuwa Tanzania kama nchi inayoendelea inahitaji kuimarisha zaidi miundombinu yake ya nishati katika maendeleo hivyo imekuwa ikishirikiana na nchi zenye uzoefu mkubwa katika sekta hizo ili kupata matokeo chanya kwa kuwa nishati ni msingi mkuu wa maendeleo.

Amesema Saudi Arabia imekuwa ikijulikana kwa uwezo wake mkubwa katika uzalishaji wa mafuta na gesi, na imekuwa ikiwekeza katika maeneo mbalimbali ya Dunia, ikiwemo Afrika Mashariki, ambapo kwa upande wa Tanzania yenye rasilimali za Gesi Asilia na viashiria vya uwepo wa Mafuta inapata uzoefu, ujuzi na teknolojia kutoka Saudi Arabia katika kuchimba, kusafisha na kusafirisha mafuta na gesi pamoja na kuimarisha miundombinu ya rasilimali hizo.

Vile vile, Mhe. Kapinga amesema kuwa kuimarika kwa Sekta ya Nishati nchini kutaiweza nchi kuweza kusambaza Umeme utakaozalishwa nchini kwa nchi jirani ambazo zimeonyesha nia ya kuhitaji Nishati.

Kwa upande wake, Waziri wa Nishati wa Saudi Arabia, Mhandisi Mohammed Albrahim amesema kuwa nchi yake inajipanga kuwekeza zaidi katika ujenzi wa Miundombinu ya barabara, utunzaji wa mazingira na kuwekeza zaidi katika Sekta ya Mafuta na Gesi, Nishati Jadidifu na Nishati safi ya kupikia.

Amesema, pamoja na kwamba wamegundua mafuta mengi, wanajipanga kuendana na sera za kidunia kwa kuwekeza katika Nishati Safi ambayo inahifadhi mazingira.

Ameongeza kuwa, Saudi Arabia inatambua juhudi zinazofanywa na Tanzania kupitia Rais wa Jamhuri ya Muungano wa Tanzania, Mhe. Dkt
Samia Suluhu Hassan kwa kuwa kinara katika kutekeleza Ajenda wa Nishati safi ya kupikia.
soma zaidi »

on December 21, 2024


Serikali inaendelea kuchukua hatua mahususi kuhakikisha mazingira ya biashara changa na bunifu (Startups) kwa vijana kwa kuwa na sera itakayotoa mwongozo wa kukuza, kuendeleza na kuimarisha mifuko ya kusaidia vijana.

Hayo yamebainishwa na Waziri wa Nchi Ofisi ya Waziri Mkuu – Kazi, Vijana, Ajira na Wenye Ulemavu Mhe. Ridhiwani Kikwete wakati wa hafla ya kufunga Wiki ya Makampuni bunifu leo Desemba 20, 2024 Jijini Dar es salaam.

Aidha, Mhe. Ridhiwani amesema Serikali ya Dkt. Samia Suluhu Hassan, Rais wa Jamhuri ya Muungano wa Tanzania inatambua umuhimu wa Startups katika kutengeneza mazingira bora ya kukuza makampuni bunifu ya vijana, hivyo itaendelea kutoa mitaji ya awali ya kukuza miradi yao.

Vile vile, amesema serikali imeendelea kushirikiana na wabia wa maendeleo kwa lengo la kuhakikisha vijana wabunifu wanaendelezwa na tayari imefanya mazungumzo na Benki ya maendeleo ya Afrika kwa lengo la kuanzisha Taasisi itakayowawezesha Vijana wabunifu na wajasiliamari kuendeleza shughuli zao za ubunifu.







soma zaidi »

on December 21, 2024

Wananchi waliokubali  kuhama kwa hiari kutoka ndani ya Eneo la Hifadhi ya Ngorongoro kwenda Kijiji cha Msomera Handeni Tanga wameendelea kunufaika na upatikanaji wa mahindi yanayotolewa na Serikali kupitia Mamlaka ya Hifadhi ya Ngorongoro.

Lengo la ugawaji wa mahindi hayo  ni kuwasaidia wananchi waliohamia kijijini hapo hivi karibuni kupata chakula kwa miezi 18 ijayo wakati wakiendelea  kuandaa mashamba kwa ajili ya kilimo. 

Kaya 125 zimegawiwa mahindi gunia mbili kwa kila kaya ambapo Kaya hizo zinajumuisha kaya 23 zilihamia Msomera tarehe 19 Desemba, 2024





.

soma zaidi »

on December 21, 2024

 


Mkuu wa Kitivo cha Insia na Sayansi ya Jamii katika Chuo cha Uhasibu Arusha (IAA), Dkt. Leticia Rwabishugi(katikati), amesema kuwa chuo hicho kimepanga kuanza kutoa masomo ya biashara na lugha ya kichina kwa ngazi ya Shahada na Shahada ya Uzamili, hatua  inayolenga kuzalisha wahitimu wenye ujuzi unaolingana na mahitaji ya soko la ajira, kutokana na fursa kubwa zinazopatikana katika masomo hayo.

Aidha, Dkt. Rwabishugi amebainisha kuwa Chuo kitaendelea kushirikiana na  Taasisi ya Confucius (Confucius Institute), kwa lengo la ktoa fursa kwa wanafunzi kupata ufadhili wa kwenda kusoma lugha ya kichina nchini China.

Dkt. Rwabishugi amesema hayo wakati wa hafla ya kusherehekea Sikukuu ya Majira ya Baridi ya kichina (Winter Chinese), iliyofanyika ndani ya Chuo cha Uhasibu Arusha na kuhudhuriwa na wadau wa lugha ya Kichina pamoja na wanafunzi wanaojifunza lugha hiyo.

Akizungumzia maendeleo ya masomo ya lugha ya kichina katika chuo hicho, amesema mwaka 2021 walianza kutoa masomo hayo kwa ngazi ya cheti wakiwa na wanafunzi wanne pekee, na  kufikia 2024 idadi  imeongezeka hadi wanafunzi 480 katika ngazi ya Cheti, Diploma ya Kwanza na ya Pili.

Amehitimisha kwa kuwashukuru wadau wanaosaidia kutoa mafunzo kwa vitendo, akisisitiza kuwa hatua hiyo imechangia kwa kiasi kikubwa kukuza ujuzi wa wanafunzi kuzungumza lugha ya Kichina kwa ufasaha, pamoja na kuwapa fursa za kuajiriwa na hata kujiajiri.

Baadhi ya wanafunzi wamesema  kujifunza lugha ya Kichina kumeongeza ujuzi wao wa mawasiliano na kuwapa matumaini ya kushindana katika soko la ajira ndani na nje ya nchi












soma zaidi »

on December 21, 2024

Na Denis Chambi, Tanga.

WANANCHI wa wilaya ya Pangani Mkoani Tanga Wameiomba Serikali kuwapelekea huduma ya usafiri wa Boti  utakaowasaidia kufanya safari zao kwenda visiwani Zanzibar kwaajili ya shughuli mbalimbali ikiwemo biashara.

Akizungumza mmoja wa wananchi wa Pangani Geoffrey Leonard mara baada ya waziri wa Uchukuzi Prof. Makame Mbarawa kufanya ziara katika eneo hilo amesema kuwa wakati mwingine hulazimika kutumia fiber boti na Majahazi kwaajili ya  kwenda Unguja licha ya kuwa Serikali ilishapiga marufuku usafiri huo ambao hutumia masaa zaidi ya 10.

"Tunaomba tupate walau  boti ambayo itatuwezesha wana Pangani kuweza kufika  Unguja  kwa haraka kwa sababu kwa sasa hivi watu wamekuwa wakitumia njia ambazo sio rasmi kwa sababu fiber boti zilizuiwa kusafirisha watu kwahiyo watu wengine ili kupata riziki wanachukua watu kwa njia ya magendo lakini tukipata boti itatusaidia wakati mwingine inatulazimu kupanda jahazi ambalo hutumia masaa mpaka 10 kwaajili ya  kufika Unguja" amesema Leonard 

Aidha Leonard amesema idadi kubwa ya wananchi wakiwemo vijana wanaofanya shughuli zao kwaajili ya kujipatia kipato  kando kando ya bahari wengi wakiwa  wanategemea kubeba mizigo  amesema kuwa  kwa sasa  hali imekuwa ni ngumu kwao kupata hata shilingi 5,000 kwa siku huku wakiwa wanategemewa na familiya jambo ambalo Wameiomba Serikali kuiangalia kwa upekee ili kuweza kuwasaidia.

"Kwa sasa eneo hili linakusanya zaidi ya watu 200 kwa siku, kazi zipo zinafanyika lakini kwa idadi ya watu ambao wapo na kazi zilizopo hazitoshelezi hata kwa kipato  kwa sababu ukiachilia  zao la Mkonge inayofuatia kuajiri watu nje ya daraja ni Bandari na wanapangani wengi sasa hivi wanategemea eneo la Bandari mizigo ambayo imekuwa ikija sio mingi ya kutosheleza kumewezesha mtu kupata kipato cha kutosheleza kwa matumizi ya familiya zao"

"Tumekuwa tukisikia kuwa Bandari zilizorasimishwa za Bagamoyo , Kunduchi na  Mbweni zinapokea mizigo mingi ombi letu na sisi tupate mizigo mingi kama wenzetu  walivyokiwa wanapata kwa lengo la kuweza kukimu familiya zetu"

"Vijana wengi sasa hivi shughuli za mtaani zimekuwa ni ngumu  kuweza kupata kipato macho yao yote yako hapa wakati mwingine inapota mpaka mwezi vijana kupata hata shilingi  elfu 5,000 kwao imekuwa ni ngumu na ukizingatia nyumbni umeacha  familiya  na inakutegemea    hii inatokana na kwamba kazi haziji kwa wingi" amesema Leonard.

Mbali na ombi hilo wameishukuru pia  Serikali kuwajengea Gati ambalo kwa sasa  limewezesha kusaidia kupakia mizigo kwa urahisi nayoelekea Unguja Visiwani Zanzibar ikiwemo Mkonge, Tanga stones pamoja na Mbao.

"Tuishukuru sana  Serikali kwa kutujengea Gati kwa sababu nje ya kupokea mizigo inayokuja kuna mizigo mingine inayopelekwa Unguja Gati limekuwa likirahisisha kupakia  mizigo katika vyombo vinavyosafirisha" alisema Leonard.

Kwa upande wake mmoja wa manahodha wanaoendesha usafiri wa Jahazi na Mashua  za mizigo kutoka Pangani kwenda Unguja Visiwani Zanzibar   wameiomba Serikali kuboresha  eneo lililojengwa Gati ambapo hulazimisha vyombo vya kupakia mbali kutokana na eneo lililopo kukaa mchanga  pamoja na uwepo wa Mwamba.

"Sehemu ambayo Boti zinatia nanga kwaajili ya kupakia mizigo huwa panajaa mchanga tunaomba Serikali pawe panachimbwa mara kwa mara  Kuna sehemu pia kuna mwamba lakini pia tunapongeza na kuishukuru Serikali kwa kutuona sisi wavuvi  tunatarajia kwamba ikitanuka baadaye tutapata faida zaidi"

Akizungumza Waziri wa  Uchukuzi Prof. Makame Mbarawa mara baada ya kuwasikiliza wananchi hao amesema kuwa Serikali inaendelea kufanya jitihada mbalimbali ili kuwasaidia wananchi kufanya shughuli zao katika mazingira rafiki ambapo mbali na  maboresho ya bandari hiyo  kukamilika kwa Barabara ya Kilomita 50 kutoka Tanga kwenda Pangani hadi Bagamoyo  kutatatua changamoto nyingi zilizokuwa zinawakabili.

"Tatizo kubwa  la Pangani kulikuwa ni Barabara  ambayo imekuwa ni changamoto ya kutoa mzigo hapa kwenda sehemu nyingine lakini baada ya Barabara hii kifunguka  tutaona mabadiliko makubwa na ndio sababu Serikali ikaamua kujenga Barabara hii na ndio kikwazo kikubwa  kukamilika kwake mtaona mabadiliko makubwa" amesema Prof. Mbarawa.

Ameongeza kuwa kutokana na uhitaji mkubwa wa wananchi wa Pangani juu ya Boti  ya kwenda Unguja Zanzibar Wizara ya Uchukuzi  itakutana na Mamlaka ya Bandari Tanzania ' TPA'  pamoja na Wakala wa Meli Tanzania 'TASAC' kujafili na kuja na mpango wa pamoja ili kuwezesha usafiri huo.

""Bandari hii ilikiwa imelala kwa sababu kulikuwa hakuna Barabara   ndiyo inayoifungua bandari hii, kuhusu boti ya uokoaji hilo tumelisikia na tunaenda kulifanyia kazi tutakaa watu wa Bandari pamoja na na watu wa TASAC tutakuja na mapango maalum wa kuleta  boti"alisema Mbarawa.
soma zaidi »

on December 21, 2024

 


Naibu Waziri wa Nishati, Mhe. Judith Kapinga amesema Tanzania itaendelea kushirikiana na Saudi Arabia katika kuimarisha Sekta ya Nishati hususan katika Mafuta na Gesi, Nishati Safi ya Kupikia na Nishati Jadidifu.

Mhe. Kapinga amesema hayo wakati alipokutana na Naibu Waziri wa Nishati wa Saudi Arabia Mhandisi Mohammed Albrahim katika Mji wa Riyadh tarehe 19 Desemba, 2024 nchini Saudi Arabia.

Amesema kuwa, Tanzania imekuwa ikishirikiana na nchi hiyo kwa muda mrefu katika Biashara ya Mafuta na Maeneo Mengine ya Maendeleo hivyo mahusiano hayo yanaendelea kuimarika zaidi kwa kuwa mahitaji ya nishati yanazidi kuongezeka na uwekezaji zaidi unahitajika katika kuendeleza Sekta ya Nishati ikiwemo Mafuta na Gesi Asilia, Nishati Jadidifu na Nishati Safi ya Kupikia.

"Mahusiano ya Tanzania na Saudi Arabia katika Sekta ya Nishati ni ya muda mrefu, nchi hizi mbili zimekuwa na lengo la kuboresha ushirikiano wao katika kuendeleza sekta ya nishati." Amesema Kapinga

Aidha, ameeleza kuwa Tanzania kama nchi inayoendelea inahitaji kuimarisha zaidi miundombinu yake ya nishati katika maendeleo hivyo imekuwa ikishirikiana na nchi zenye uzoefu mkubwa katika sekta hizo ili kupata matokeo chanya kwa kuwa nishati ni msingi mkuu wa maendeleo.

Amesema Saudi Arabia imekuwa ikijulikana kwa uwezo wake mkubwa katika uzalishaji wa mafuta na gesi, na imekuwa ikiwekeza katika maeneo mbalimbali ya Dunia, ikiwemo Afrika Mashariki, ambapo kwa upande wa Tanzania yenye rasilimali za Gesi Asilia na viashiria vya uwepo wa Mafuta inapata uzoefu, ujuzi na teknolojia kutoka Saudi Arabia katika kuchimba, kusafisha na kusafirisha mafuta na gesi pamoja na kuimarisha miundombinu ya rasilimali hizo.

Vile vile, Mhe. Kapinga amesema kuwa kuimarika kwa Sekta ya Nishati nchini kutaiweza nchi kuweza kusambaza Umeme utakaozalishwa nchini kwa nchi jirani ambazo zimeonyesha nia ya kuhitaji Nishati.

Kwa upande wake, Waziri wa Nishati wa Saudi Arabia, Mhandisi Mohammed Albrahim amesema kuwa nchi yake inajipanga kuwekeza zaidi katika ujenzi wa Miundombinu ya barabara, utunzaji wa mazingira na kuwekeza zaidi katika Sekta ya Mafuta na Gesi, Nishati Jadidifu na Nishati safi ya kupikia. 

Amesema, pamoja na kwamba wamegundua mafuta mengi, wanajipanga kuendana na sera za kidunia kwa kuwekeza katika Nishati Safi ambayo inahifadhi mazingira. 

Ameongeza kuwa, Saudi Arabia inatambua juhudi zinazofanywa na Tanzania kupitia Rais wa Jamhuri ya Muungano wa Tanzania, Mhe. Dkt Samia Suluhu Hassan kwa kuwa kinara katika kutekeleza Ajenda wa Nishati safi ya kupikia.

soma zaidi »

on December 21, 2024

Na.Ashura Mohamed - Arusha

Benki Kuu ya Tanzania (BOT) imeanzisha mfumo maalumu wa kielektroniki mahususi kwa ajili ya kushughulikia changamoto na malalamiko ya wateja kuhusiana na huduma za kibenki.

Mfumo  huo utazinduliwa Januari 2025 ambapo utawezesha mteja kuweza kupata huduma kidigitali na kwa wepesi huku ikiokoa  muda na gharama ambapo hapo awali hapakuwa na namna ya kuona kushughulikia changamoto. 

Akizungumza katika warsha hiyo ya siku mbili Meneja Uchumi kutoka Benki Kuu Tawi la Arusha (BOT) bw.Aristedes Mrema alisema kuwa warsha hiyo ya siku mbili ni matumizi ya mfumo wa kielektroniki ya utatuzi wa malalamiko ya fedha .

"Benki kuu ina jukum kubwa la kuhakikisha kuwa inalinda watumiaji wa huduma ya wateja wanaokopa na kuhakikisha kuwa wanapata huduma bora kwa kuzingatia sheria za fedha "Alisema Bw.Mrema

Aidha alisema kuwa mfumo huo bado haujapatiwa jina rasmi huku ukiwa kwenye majaribio unatarajia kuanza kutumika katikati ya Januari, 2025 ambapo pamoja na mambo mengine unatarajia kurahisisha ufuatiliaji wa malalamiko na kutatuliwa kwa uharaka.

"Kutokana na changamoto mbalimbali ambazo wateja walikuwa wakipata kutokana na kushughulikia wa changamoto zao tunafikiria kuanzisha mfumo wa kielektroniki ambao utaenda kuondoa au kutatua changamoto zao," Alisisitiza Mrema

Pia alisisitiza kuwa hapo awali mteja alikuwa anatakiwa aandike barua kisha ailete kwenye ofisi za Benki Kuu ili malalamiko yake yashughulikiwe lakini pia kulikuwa na changamoto katika ufuatiliaji wa hatua gani utatuzi wa tatizo lake umefikia.

Kwa Upande wake Watoa huduma za akiwemo Mkurugenzi wa Kampuni ya Manemane  Micro Credit iliyopo  mkoani Kilimanjaro bw.Anselimu Peter alisema kuwa mfumo huo utawawezesha wao kama watoa huduma za fedha kufanya kazi kwa kufuata sheria hata mteja anapotoa malalamiko kuweza kuwa na ushahidi wa kutosha.

"Malalamiko yote ya wateja yatakuwa kwenye mfumo itakuwa rahisi pia kufanya rejea kwenye mfumo kuliko kwenye makaratasi kwahiyo tunaamini kwa mfumo huu huduma za kifedha kwa wateja zinaenda kuboreshwa zaidi, kujenga ujasili na uaminifu kwa watumiaji na watoaji wa huduma za kifedha,"Alisema Anselimu 

Nae Bi.Imelda Mathew ambaye ni Mkurugenzi  wa kampuni ya Cas Microfinance Limited iliyopo wilayani Monduli alisema mfumo huo muhimu kwa watumiaji kwa kuwa unaokoa muda gharama  na kuwawezesha kuondoa sababu zisizo za msingi.





soma zaidi »

on December 21, 2024

 


Mkuu wa mkoa wa Njombe Antony Mtaka ameonyesha kusikitishwa na  matukio ya mauaji na ukatili ambayo yanaripotiwa katika mkoa wake huku akitaka jamii kutambua kuwa kila mmoja anawajibu wa kudumia usalama kwa kuripoti kwenye vyombo vya ulinzi na usalama pindi aonapo viashiria vya uhalifu.

Aidha Mtaka amekemea kitendo cha baadhi ya wananchi kujichukulia sheria mkononi na kueleza kuwa hali hiyo inakiuka misingi ya utawala bora na vina athari kubwa katika maendeleo ya jamii.

Akizungumza katika kikao cha dharura ambacho kimehusisha viongozi wa kimila,viongozi wa Dini na wawakilishi kutoka taasisi na makundi mbalimbali katika jamii ili kujadili na kushauriana kuhusu wimbi la vitendo vya ukatili wa kijinsia yakiwemo mauaji na ubakaji ambao umeendelea kujitokeza katika mkoa huu unaotajwa kukua kwa kasi kiuchumi, Mtaka amesema haiwezekani kila kukicha matukio ya aibu,unyama yanatokea na kuchafua mkoa wa Njombe hivyo kikao hicho kitoke na majibu ili kunusuru maisha ya watu.

Akieleza mwenendo wa matukio kwa kipindi cha miaka mitano Kamanda wa Polisi mkoa wa Njombe ASP Mahamoud Banga amesema takribani matukio 366 ya mauaji yametokea kuanzia mwaka 2020 hadi 2024 ,unyang'anyi wa kutumia siraha yakiwa 16,unyang'anyi wa kutumia nguvu 48,ubakaji 829 huku ulawiti yakiwa matukio 91 na kueleza kwamba uchunguzi wa matukio mengi umebaini wanaotenda matukio ni watu jirani ama ndugu.

Wakitoa ushauri na maependekezo nini kifanyike kudhibit matukio hayo ,wawakilishi wa makundi mbalimbali katika jamii wakiwemo viongozi wa mila,viongozi wa dini na tiba asili wamesema ziundwe kamati zitakazopita kijiji kwa kijiji kutoa elimu kwasababu kuna tatizo kubwa la afya ya akili ,visasi na tamaa ya mali.

soma zaidi »

on December 21, 2024

Chuo Cha Uhasibu Arusha IAA wameibuka mabingwa katika michezo mbalimbali ambayo wanafunzi wameshiriki katika mashindano yanayohusisha Vyuo vya Elimu ya juu (SHIMIVUTA) yaliyokuwa anafanyika katika uwanja wa Ushirika Moshi Mkoani Kilimanjaro.

Akifunga mashindano hayo Katibu Tawala wa Mkoa wa Kilimajaro Kiseo Yusuf Nzowa akimuwakilisha Mkuu wa Mkoa wa Kilimanjaro Nurdin Babu amesema michezo ni afya, michezo ni furaha lakini pia michezo huleta umoja na mshikamano, hivyo ni vyema vijana wa vyuo na wengine wote waendelee kushiriki ili kujenga umoja huo na mshikamano kwa taifa.

Kwa upande wake Meneja wa Kampasi ya Arusha IAA Dkt. Grace Temba amewapongeza wachezaji na wanafunzi wote wa IAA walioshiriki katika mashindano hayo na kusisitiza kuwa wameiheshimisha taasisi kwa kuibuka washindi wa jumla (overall winner) katika mashindano hayo.

Dkt. Grace amesisitiza Menejimenti ya IAA inayoongozwa na Prof. Eliamani Sedoyeka kwa ujumla wamekuwa na desturi ya kusapoti sekta ya michezo na watahakikisha wanaendelea kuweka nguvu katika kukuza vipaji vya wanafunzi kwa manufaa ya Chuo na taifa kwa ujumla.

Chuo Cha Uhasibu Arusha kupitia wachezaji wake kwenye michezo tofauti tofauti kimefanikiwa kuchukua makombe na medali mbalimbali kama ifuatavyo

-Bingwa wa jumla wa mashindano

-Bingwa mpira wa miguu kwa wanaume

-Kocha bora wa mashindano mpira wa miguu kwa wanaume

-Mlinzi bora wa mashindano mpira wa miguu ---Mshindi wa kwanza mchezo wa kuvuta kamba wanaume na wanawake

-Mshindi wa kwanza mbio za kijiti kwa wanaume na wanawake

-Mshindi wa pili mchezo wa pool table

-Mshindi wa kwanza riadha Mita 200 kwa wanawake

-Mshindi wa pili riadha Mita 200 kwa wanaume

-Mshindi wa pili riadha Mita 100 wanaume na wanawake

-⁠Mshindi wa kwanza mchezo wa rede kwa wanawake

Mashindano hayo yaliyodumu kwa takribani wiki mbili yametamatika leo rasmi katika Uwanja wa Ushirika Stedium Moshi na jumla ya Vyuo ishirini vya Elimu ya juu Tanzania vimefanikiwa kushiriki.











soma zaidi »
Subscribe to: Posts (Atom)